Шефот на „Вагнер“: Руската армија се обиде да ги разнесе моите борци

Макфакс

03/06/2023

09:00

3.407

Големина на фонт

а а а

Шефот на платеничката група „Вагнер“, Евгениј Пригожин, кој во последно време често се судира со руското воено раководство, ја обвини руската армија дека се обидела да ги крене во воздух неговите луѓе. Вагнеровците го зазедоа украинскиот град Бахмут во мај по неколкумесечни крвави битки и оттогаш им ги предадоа своите позиции на редовните руски сили.

Денеска Пригожин на Телеграм објави дека неговите војници пронашле десетина локации каде што вработените во Министерството за одбрана поставиле експлозиви, вклучително и противтенковски мини, велејќи дека тоа им било наредено од претпоставените, пишува Скај њуз.

Пригожин тврди дека такво нешто немало намера да го одврати непријателот, со оглед на тоа што мините биле поставени во областа зад линијата на фронтот.

„Затоа, претпоставуваме дека експлозивните направи биле наменети за единиците на Вагнер кои напредувале кон целта“, рече тој. „Ништо не експлодира и никој не е повреден. Претпоставуваме дека ова е обид за јавно камшикување“, додаде Пригожин.

Руското Министерство за одбрана не ги коментираше овие последни обвинувања против Пригожин.



Спонзорирани линкови

Маркетинг