Судскиот совет функционира законски и во согласност со надлежностите дадени во Законот за Судски совет, е заклучено на денешниот работен колегиум на кој се отфрлени како неосновани тврдењата на Холандскиот амбасадор Дирк Јан Коп, дека новиот претседател е избран во нелигитимна процедура и затоа се става во мирување четири годишниот проект финансиран од оваа земја.
Членовите потенцираат дека првиот човек на Судскиот совет е избран на седница со потребниот број на гласови утврдени во Законот за ССРСМ.
Советот ги повика надлежните да ги испитаат сите сомнежи за корупција, а воедно потсетуваат дека Врховниот суд дополнително и во законска процедура ги проверува сите одлуки донесени за проверка за одговорноста на судиите преку жалбениот Совет. Bелат дека холандскиот проект за кој зборуваше амбасадорот трае четири години и се состои од три компоненти: ефикасност, отчетност, транспарентност и регионална соработка и во моментот се наоѓа во третата проектна година.
Холандија гo стави во мирување проектот поврзан со Судскиот совет, кажа холандскиот амбасадор во земјава Дирк Јан Коп, кој оцени дека состојбата е загрижувачка, а Судскиот совет станал нелегитимно тело.
