Уругвајската фудбалска репрезентација имаше разочарувачки настап на СП во Катар, па федерацијата веќе неколку месеци е во потрага по ново долгорочно решение за селекторската позиција.
Денеска, медиумите од јужноамериканската земја објавија дека изборот паднал на Марсело Биелса, кој е познат по својот конзервативен тренерски стил, но очигледно ги исполнува очекувањата на првите луѓе на федерацијата.
Аргентинскиот стручњак е без ангажман откако го напушти Лидс Јунајтед, а сега ќе има можност да води селекција со одлично реноме во светски рамки и многу ѕвезди во ростерот.
Медиумите тврдат дека останува уште федерацијта само да ја потврди информацијата и да го промовира „Ел Локо“ за нов селектор на поранешниот светски шампион.
Биелса ќе биде прв Аргентинец на позицијата уругвајски селектор по цели 22 години, кога таа функција ја извршуваше Даниел Пасарела.
