Јоги, Падингтон и Вини Пу – повлечете се! Пристигна нова мечка! Односно, барем на Марс. Камерите на НАСА леталото снимиле формација широка два километри на Марс која личи на глава од мечка.
Камерата на орбитерот „Mars Reconnaissance“, наречена „High Resolution Imaging Experiment“ или „HiRISE“, направила фотографија од необична геолошка појава во декември.
Кружниот примерок на површината на Марс ја обликува главата, додека двата кратери наликуваат на очи. Сложената структура во облик на буквата „V“ создава илузија на нос на симпатичната мечка.
Кружната пукнатина би можела да биде последица од таложењето на наслаги на врвот на затрупан кратер кој бил исполнет со лава или кал, сметаат научниците. Формацијата која наликува на нос на мечка веројатно е вулкански кратер или јама од кал.
Yogi, Paddington and Winnie the Pooh, move over. There's a new bear in town. Or on Mars, anyway.
— M.E.N ⍟ (@ModernEraNews) January 31, 2023
NASA's Mars Reconnaissance Orbiter has captured images of what appears to be a beaming face of a bear carved into the surface of the red planet
… pic.twitter.com/xqH05gdpbl
Универзитетот во Аризона, кој ја развил камерата со „Ball Aerospace“, ја објавил фотографијата на 25-ти јануари.
Фотографијата потсетува на уште едно небесно „лице“ кое го забележала вселенската опсерваторија на НАСА во октомври 2022 година, кога изгледало дека Сонцето се смее поради темните дамки.
А минатиот март, роверот „Curiosity“ забележал формација од карпи која личела на цвет на Марс.
Камерата „HiRISE“ снима фотографии на Марс од 2006 година, кога „Mars Reconnaissance“ почнал да кружи околу црвената планета.
Моќната камера е дизајнирана за снимање на детални слики од површината на Марс, вклучувајќи формации со големина од само еден метар.
