Сликата која е пронајдена во една колиба на фарма, минатата недела беше продадена за дури 3,1 милион долари.
Станува збор за дело кое го насликал Антонис ван Дајк, а кое прикажува старец како седи на столче. Сликата настанала врз основа на жив модел, веројатно во период помеѓу 1615 и 1618 година, кога Ван Дајк бил млад уметник и работел со колегата Питер Пол Рубенс во Антверпен.
Сликата е пронајдена во колиба на фарма во Киндерхук, Њујорк, кон крајот на 20-от век, а ја купил страсниот колекционер Алберт Б. Робертс за само 600 долари. Меѓутоа, дури неодамна било утврдено дека станува збор за дело на Ван Дајк.
На аукција на куќата „Sotheby’s“ одржана минатата недела, сликата била продадена за 3,1 милион долари. Моментално се наоѓа во музејот „Boijmans van Beuningen“ во Ротердам.
