Шер за врската со 40 години помладото момче: „Се бакнуваме како тинејџери“

Точка

26/11/2022

15:30

4.628

Големина на фонт

а а а

Веста дека легендарната пејачка Шер (76) е во врска со 40 години помладиот пејач Александар Едвардс (36), изненадила многумина.

Меѓутоа, нејзините многубројни фанови не се срамеле да ѝ постават на пејачката непријатни прашања во врска со изборот на партнер.

Цела дискусија започнала на Твитер кога Шер објавила фотографија од својот избраник. Едвардс, како што се гледа од приложениот материјал, позирал без маица и во долна облека, а потоа следел коментарот на Шер.

„На хартија ова изгледа чудно, дури и за мене. Меѓутоа, А.Е. (иницијалите од името и презимето на нејзиното момче) вели дека љубовта не знае за математика“, порачала таа.

Набрзо потоа, корисниците на социјалната мрежа Твитер ја прашале да го опише своето момче, односно да ги наброи неговите најдобри квалитети.

Секако, Шер немала ништо против тоа, а оваа реченица кратко и јасно го сумирала нивниот целокупен однос.

„Тој е љубезен, паметен, смешен и се бакнуваме како тинејџери“, заклучила пејачката.




Спонзорирани линкови

Маркетинг