Научниците велат дека редовното консумирање на оваа намирница може да го намали ризикот од срцеви заболувања

Точка

26/11/2022

12:43

16.182

Големина на фонт

а а а

Редовното консумирање сирење ги намалува проблемите со срцето, високиот крвен притисок и дијабетес.

Љубителите на сирење имаат 38 отсто помалку шанси да патат од срцеви инсуфициенции за разлика од оние кои го избегнуваат.

Кај нив високиот притисок е за третина помал, додека пак ризикот од дијабетес тип 2 е и повеќе од преполовен.

Експертите велат дека иако маста во сирењето може да биде лоша за нас, калциумот во него може да ја намали неговата апсорпција и да помогне во контролата на холестеролот.


Млечните протеини како што е казеин, можат да го намалат штетното влијание на артериите.

Експерти од Медицинскиот факултет во Пекинг во Кина проучувале податоци од 450.000 возрасни Британци. Тие откриле дека ризикот од срцеви заболувања е 35 отсто помал кај луѓето кои редовно јадат сирење, во споредба со оние кои тоа не го прават.

Професорот Јуе Јин Јанг изјавил:

„Спротивно oд вообичаеното верување, внесувањето сирење во организмот всушност може да го намали ризикот од дијабетес тип 2, коронарни болести на срцето, хипертензија и мозочен удар“.

Како полномасен млечен производ, сирењето може интуитивно да биде поврзано со висок ризик од срцеви заболувања поради високата содржина на заситени масни киселини и негово влијание на холестерол во крвта. Меѓутоа, неодамнешна студија покажала дека тоа воопшто не е вистина.


Британската фондација за срце исто така вели дека е мит дека луѓето со срцеви проблеми треба целосно да го избегнуваат сирењето, но предупредуваат на негово претерано консумирање.




Спонзорирани линкови

Маркетинг