Две истакнати ирански актерки, Хенгамех Газиани и Катајун Риахи се уапсени поради јавна поддршка на протестите во таа земја, јавуваат иранските државни медиуми.
Газиани и Риахи се уапсени за делување против иранските власти, а двете жени претходно во јавноста се појавиле во знак на солидарност со демонстрантите, јавува новинската агенција „Irna“.
Двете актерки се приведени во неделата по налог на иранското обвинителство, а пред апсењето Газиани преку социјалните мрежи порачала дека „што и да се случи, таа секогаш ќе биде покрај народот на Иран“ и додала дека тоа можеби е нејзиното последно обраќање.
Актерките се меѓу бројните истакнати ирански јавни личности кои изразиле поддршка на протестите кои траат уште од септември ширум Иран, кога 22-годишната Махса Амини починала во притвор на „моралната полиција“ поради кршење на строгите прописи за носење на марама во јавноста.
Famous Iranian actress Hengameh Ghaziani has been arrested, state media said.
— Iran International English (@IranIntl_En) November 20, 2022
She'd earlier removed her hijab and said, "This might be my last (Instagram) post. From this moment on, whatever happens to me, know that as always, I am with Iranian people until my last breath." pic.twitter.com/tSVhUamsna
