Кристијано Роналдо предизвика многу реакции со своето последно интервју, а обвинувањата на сметка на соиграчите, менаџерот и сопствениците веројатно ќе значат и крај на неговите настапи за Манчестер Јунајтед.
Целата сага започна уште со изразената желба на Португалецот да го напушти Јунајтед пред почетокот на сезоната, но откако не пронајде нова дестинација, мораше да соработува и со новиот менаџер Ерик тен Хаг.
Епилогот не му се допадна ниту на поранешниот англиски репрезентативец, Иан Рајт, кој смета дека Роналдо треба да си побара стручна помош, за полесно да се соочи со крајот на кариерата.
– Навистина е тажно да се видат вакви моменти ако имаме предвид што се направи и освои Роналдо во својата кариера.
– Не ме изненадува што има проблем да се соочи со крајот на кариерата, тоа им се случува на сите, ми се случи и мене.
– Очигледно не е навикнат да слуша лоши вести, но сега тие стигнуваат до него. Сигурно му е тешко и веројатно треба да побара стручно лице – психолог, за да разговара на оваа тема, – вели Рајт.
