Лазања и Анри беше двоецот кој постигна два гола против Наполи, но тие беа едноставно недоволни за Верона која претрпе тежок пораз на домашен терен во првото коло.
Елиф Елмас и соиграчите постигнаа три гола во второто полувреме и на крајот „испукаа петарда“ во мрежата на домаќинот за победа од 2:5, но покрај возбудата и седумте гола на „Бентегоди“, видовме и ситуација која е навистина несекојдневна и урнебесна.
Анри одлично го испрати центаршутот за израмнување на 2:2 на стартот на вториот дел, но неговата еуфорична прослава донесе и бизарна повреда која ги насмеа фановите.
Напаѓачот на Верона го повреди својот соиграч Лазања, односно буквално му ја распара устата и го раскрвари со лактот кој му го зададе во лице.
Лазања мораше да добива лекарска интервенција од тимот на Верона, а најверојатно ќе мора да посети и стоматолог за да ја провери состојбата на неговите заби.