Македонскиот пејач Ламбе Алабаковски е осомничен за потпалување на вратата на бугарскиот културен центар „Иван Михајлов“ во Битола. Тој веќе го издржува осумдневниот притвор кој му беше одреден.
Алабаковски, ден по стореното дело за кое се сомничи, настапи на Фолк Фест Валандово како 19-ти изведувач со ред по песната „Нема збогум”. Автор на истата е познатиот композитор Миле Барбаровски кој го направил и аранжманот, а пак текстот е на Ѓеорги Барбаровски.
Во своето последно интервју дадено за време на фестивалот за „Свет-Австралија“, Ламбе меѓудругото ќе изјави:
- Повеќето од она што го слушав за време на живеењето во САД беше македонска музика. Човек кога е далеку од својата земја сфаќа и разбира и се раѓаат едни нови чувства на носталгичност, на емотивност, на љубов кон татковината, на некои вистински вредности и корен на целиот живот и суштината и животот на секој човек. Ние со семејството сме веќе година и половина преселени тука, во Македонија. Планираме тука и да останеме. Мојот дом е тука, во Македонија, изјавил Ламбе.
Погледнете го последниот настап на Ламбе Алабакоски кој по два дена беше биде приведен и притворен.
