Навивач на Нотингем го нокаутираше капитенот ја Шефилд, „шумарите“ на чекор од кам-бек во ПЛ

Многу возбуда донесе реваншот меѓу овие два поранешни премиерлигаши, Шефилд славеше со 2-1 што го однесе мечот во продолженија во кои немаше голови по што се пријде на пенали каде домаќините беа поуспешни и закажаа дуел со Хадерсфилд за влез во елитната конкуренција.

Поранешниот европски шампион чека промоција во првата лига веќе 23 години и останува да видиме дали тоа ќе го направат, но вчерашниот натпревар донесе и еден голем инцидент кој се случи по завршувањето на пеналите.

Голема беше радоста на домашните навивачи кои влетаа на теренот на „Сити Граунд“, ама еден од нив се исклучи и буквално го нокаутираше гостинскиот капитен Били Шарп кој поради повреда не играше на средбата.

Тој стоеше крај аут линијата кога фанот како разорен бик го турна на тревникот. Овој скандал дефинитивно го засени успехот на „шумарите“ кои му се извинија на Шарп кој своевремено играше за нивниот клуб.

Кога е во прашање фанот тој веќе е уапсен од страна на англиската полиција.