Герет Бејл и дефинитивно го напушта Реал Мадрид по крајот на сезоната, а неговиот агент отворено зборувал за иднината на велшката ѕвезда.
Џонатан Барнет, слично како и во минатото, директно посочил кои се опциите, вклучувајќи го и пензионирањето.
– Герет дефинитивно го напушта Реал, но за следен чекор треба да видиме што ќе направи Велс.
– Се зависи од тоа дали репрезентацијата ќе избори пласман на СП во Катар, дури потоа ќе биде донесена конечната одлука, – вели Барнет.
Бејл сезонава одигра само пет натпревари во дресот на Реал, а очигледно е дека може да игра најмногу една сезона пред да стави крај на кариерата.