Видеото од украинскиот војник додека ја пее победничката песна од Евровизија „Стефаниа“ која ја изведува Калуш Оркестра, предизвикало емоции кај многумина на социјалните мрежи.
Војникот, кој украинските медиуми го идентификувале како шеф на прес-службата на бранителите во Мариупол, кој исто така е на првата одбранбена линија во Азовстал, ја отпеал песната од групата Калуш Оркестра – „Стефаниа“.
Додека пеел во позадина се слушаат гласни одекнувања на експлозии, а песната која е своевидна ода на мајките не ја прекинале ниту гранатите.
„Ѝ честитаме на групата Калуш Оркестра на победата на Евровизија од самото срце на Мариупол. Ви благодариме на поддршката“, напишано било на социјалните мрежи, пренесува „NEXTA TV“.
#Ukrainian military sang the song "Stefania" to the sound of explosions
— NEXTA (@nexta_tv) May 15, 2022
“Congratulations to the #Kalush Orchestra on winning #Eurovision from the very heart of #Mariupol. Thank you for your support!”, he wrote in his social networks. pic.twitter.com/8NtXpp0g6u
Иако фронтменот на групата Олег Псјак ја напишал песната за својата мајка, таа по почетокот на војната станала еден од симболите на борбата во Украина против руската инвазија.
По настапот на Евровизија 2022 во Торино, членовите упатиле апел за помош на Украина и Мариупол.
„Помогнете му на Азовстал веднаш“, порачале тие.
Публиката ги дочека со овации, а на крајот од вечерта претставниците на Украина беа прогласени за победници, откако освоија вкупно 631 поен.