Сенегал ја оправда фаворитската улога и се пласираше во четвртфиналето на Африканскиот Куп на нации, откако вчера ја победи Зелено ’Ртска Република со резултат 2:0.
„Зелено-жолтите“ го скршија отпорот откако аутсајдерот остана со двајца играчи помалку на теренот, бидејќи по почетното исклучување на Андраде во 21-та минута, следеше и она на голманот Возиња во 57-та минута.
Голманот на оваа островска земја имаше жесток судир со Садио Мане и буквално го патосираше фудбалерот на Ливерпул, кој во дадената ситуација доби потрес на мозокот, но се задржа уште неколку минути на теренот.
Веднаш по инцидентот, Мане постигна гол за 1:0 и потоа беше повлечен од игра, но според прописите на ФИФА, беше испратен и на дополнитена опсервација и детални прегледи од лекарите.
Во болница било утврдено дека има потрес на мозокот, а добра вест е што тој се чувствува добро, за што и самиот потврди преку џентлменската објава на социјалните мрежи, прикачувајќи слика на која се гледа дека бил посетен од страна на Возиња.
#TeamCapeVerde goalkeeper Vozinha visited Sadio Mane at the hospital after a head collision between the players during the game.
— #3Sports (@3SportsGh) January 25, 2022
?? ?? ??#AFCON2021 #3Sports pic.twitter.com/hzdQjDxZlR