Пунчот од јајца, попознат по оригиналниот назив „eggnog“, е особено популарен во зимската сезона – непосредно пред празниците.
Овој пунч воопшто не е тежок за подготовка, но неопходно е добро да се излади пред сервирањето.
Познатата готвачка Марта Стјуарт има одличен рецепт за домашен „eggnog“!
Идеално е да го послужите во сад за пунч, а можете да го сервирате со цимет, слатка павлака, морско оревче...
- 6 жолчки
- 2 белки
- 700 мл. млеко
- 250 мл. слатка павлака
- 60 мл. рум
- 60 мл. бурбон
- 340 мл. коњак
- 150 гр. шеќер
- морско оревче
- прстофат сол
Ставете ги жолчките во еден сад, додајте 100 гр. шеќер и матете неколку минути.
Загрејте го млекото на оган, во кое ќе додадете прстофат сол. Кога ќе биде врело, полека додавајте го во смесата од шеќер и јајца и постојано мешајте.
Смесата ставете ја во тенџере на оган и варете неколку минути додека не се згусне.
Процедете и претурете во голем сад за пунч. Потоа, додајте ја слатката павлака и алкохолот. Покријте и оставете преку ноќ во фрижидер.
Утредента изматете ги белките на пареа со остатокот од шеќерот. Кога смесата ќе стане хомогена, тргнете ја од оган и изматете во цврст шлаг, а потоа измешајте ја со изладената смеса од фрижидер.