ЦСКА Москва на Сара Ристовска минатиов викенд остварија голема победа против актуелниот европски првак Вајперс Кристијансанд и тоа на негов терен во Норвешка.
Рускиот тим славеше со 27-24, Ристовска даде четири гола од исто толку обиди, а токму еден од истите влезе во најновата Топ 5 листа на најдобрите голови на петтата рунда во Лигата на шампионите.
„Вртенката“ на Сара се најде на позицијата број пет, додека овој пат местото број еден е резервирано за Јулија Манагарова од составот на Ростов.
