Се зборувало дека ова е бунар на пеколот и дека е проклет: Луѓето првпат влегле внатре во него – еве што пронашле

Точка

25/10/2021

14:17

9.947

Големина на фонт

а а а

Веќе неколку децении мистериозната дупка предизвикува страв кај луѓето ширум светот.

Со децении локалните жители во Јемен ја избегнуваат оваа дупка која ја нарекуваат „бунар на пеколот“.

Од генерација на генерација се пренесува суеверието дека оваа необична природна појава претставува „врата до пеколот“ и дека во проклетиот бунар се затворени демони.


Поради неиздржливата смрдеа која се шири од дупката, ова место сите го избегнувале, а мистеријата за него станувала сè поголема.

Инаку, дупката која е длабока 112, а широка 30 метри се наоѓа во провинцијата ал-Махра во близина на границата со Оман.

Никој досега не успеал да се спушти до дното на чудната дупка. Но, и тоа се сменило кога група од 10 омански спелеолози и истражувачи првпат детално ја истражиле.


Сите се прашувале што ќе најдат внатре и дали воопшто ќе успеат да излезат живи од таму.

Тоа што истражувачите го пронашле веројатно ќе ги разочара многумина од локалните жители - очекувано, најдени се бројни остатоци од животни кои паднале во „бунарот“ и тоа бил изворот на неподносливата смрдеа која се ширела.


Исто така екипата наишла на земја, неколку подземни водопади и сталагмити.

Меѓутоа, ниту трага од заробените демони...

Погледнете го видеото:



Спонзорирани линкови

Маркетинг