Џесика Честејн заблескала во светкав фустан и покажала како на многу дискретен начин може да го открие деколтето, а притоа да изгледа сензуално и убаво.
На црвениот тепих донела доза гламур и висока елеганција и ги воодушевила модните критичари.
Актерката Џесика Честејн вчеравечер присуствувала на премиерата на филмот „The Eyes Of Tammy Faye“ на Филмскиот фестивал во Рим, а нејзината појава навистина била поинаква, различна од сè што сме виделе во последно време.
Црвенокосата ѕвезда прошетала на црениот тепих во одмерена и елегантна креација, која ја потпишува модната куќа „Гучи“.
Фустанот се состои од два дела - црвено здолниште од тил и светки, а синиот горен дел на префинет начин го открива нејзиното деколте.
Исто така, околу вратот носела одмерен детаљ - раскошен гердан со шарени циркони.