„Вива Роналдо“: Кристијано ја испрати првата порака до фановите на Јунајтед

„Ѓаволите“ во своето официјално соопштение откриваат дека Роналдо потпишал двегодишен договор со клубот како реализација на извонредниот кам-бек, со тоа што истиот може да биде продолжен за дополнителна една сезона.

Во објавата на клубот, стои и првата изјава на Роналдо како повратник на театарот на соништата, но краток осврт има и менаџерот Оле Гунар Солскјер.

– Манчестер Јунајтед е клуб кој секогаш имал посебно место во моето срце и се презаситив од сите убави пораки кои ги добив од објавената вест за враќањето во петокот. Не можам да дочекам да заиграм на „Олд Трафорд“ пред полн стадион и да ги видам сите фанови. Со нетрпение чекам да му се приклучам на тимот после репрезентативните обврски и се надевам дека не чека успешна сезона, – гласи изјавата на Роналдо.

– Не можат да се најдат зборови за да се опише Кристијано. Тој не само што е извонреден играч, тој е и фантастична личност. За да имате таква желба да играте на високо ниво толку долг период, значи дека сте специјална личност. Немам сомнеж дека ќе продолжи да импресионира и дека неговото искуство ќе биде клучно за младите играчи во тимот. Враќањето на Роналдо ја покажува уникатната привлечност која ја има нашиот клуб и презадоволен сум што се враќа онаму кадешто започна се, – вели Солскјер.