Рој Кин вели дека враќањето на Кристијано Роналдо ќе донесе многу позитивни работи за Манчестер Јунајтед и неговиот победнички менталитет и желбата за нови успеси сигурно ќе имаат влијание врз актуелниот состав на „црвените ѓаволи“.
Ирецот сепак вели дека доаѓањето на Роналдо нема да направи разлика за тоа дали Јунајтед ќе ги освои најважните трофеи.
– Роналдо е интелигентен фудбалер, доаѓа во Јунајтед да освојува трофеи, но мојата дилема е дали трансферот ќе направи разлика во однос на шансите на екипата да стигне до посакуваните цели.
– Јунајтед и натаму ги има истите проблеми со средниот ред и голманската позиција. Има многу позитивни аспекти од неговото доаѓање, но не сум убеден дека сега без проблем ќе станат шампиони.
– Моето мислење е дека трансферот не прави разлика во битката за големите трофеи, можеби во ФА купот и Лига купот, – изјавил Кин.
