Бројот на земји и територии во кои циркулира позаразниот делта сој на коронавирусот е зголемен за уште седум од 13 јули, па сега е регистриран во 124 земји, објави денеска Светската здравствена организација (СЗО).
Експертите тврдат дека делта варијантата брзо ќе се прошири и ќе ги засени другите соеви, а потоа ќе стане доминантен мутиран вид на ковид во следните години.
СЗО нагласи дека точниот механизам за зголемување на инфективноста на ковид и натаму останува нејасен.
Покрај тоа, СЗО е загрижена за ширењето на сите четири нови видови.
Алфа сојот, откриен во Велика Британија во септември 2020 година, е регистриран во 180 земји до 20 јули.
Бета сојот, откриен во август минатата година во Јужна Африка, е присутен во 130 земји, додека бразилскиот гама сој е регистриран во 78 земји.
Денес
