Во дворецот Виндзор одржана е свеченост по повод официјално одбележување на роденденот на британската кралица Елизабета Втора, првпат после смртта на нејзиниот сопруг, принцот Филип, пред два месеци.
Кралицата, која полни 95 години, била на свеченоста „Поздрав со бои“, во друштво на нејзиниот братучед, принцот Едвард, војводата од Кент.
RoyalFamily: The Queen's Birthday Parade 2021 closed with a magnificent fly-past by the @rafredarrows and a 41 Gun Royal Salute by The King's Troop Royal Horse Artillery ?? #WindsorCastle pic.twitter.com/Zw6EMyuvea
— Dalston Lodge (@DalstonLodge) June 12, 2021
Оваа година поради мерките за социјално дистанцирање, церемонијата, која се одржува повеќе од 260 години била со намален капацитет, пренесува „Ројтерс“.
„Поздрав со бои“ обично вклучува паради на војници во темноцрвена униформа и со високи крзнени капи низ центарот на Лондон, но оваа година, поради пандемијата на коронавирусот, тие учествуваа на церемонија во Виндзор, домот на кралицата, кој се наоѓа западно од Лондон.
In keeping with tradition the #queensbirthdayparade ends with a flypast of the @rafredarrows @BritishArmy @scots_guards @BBCS_Events @RoyalFamily pic.twitter.com/plUm7c16vd
— The Army in London (@ArmyInLondon) June 12, 2021
Настанот е одржан еден ден откако кралицата беше домаќин на лидерите на седумте најразвиени земји во светот, кои учествуваат на тридневниот самит, во Корнвол, југозападно од Англија.
Кралицата Елизабета втора во недела со американскиот претседател, Џо Бајден и неговата сопруга Џил, ќе испие чај во Виндзор.
Роденденот на кралицата е на 21-ви април, но официјално се одбележува во јуни.