По денешниот одржан Конгрес на партијата СДСМ, „за“ предложената листа од 120 членови на новиот состав на Централниот одбор гласале 668 делегати, а шест биле против.
Избран е и новиот состав на Надзорниот одбор, составен од 9 члена, пренесува „мкд.мк“.
Љупчо Николовски останува генерален секретар на партијата, додека пак на местото на Коста Петров и Мухамед Зекири ќе седнат новите потпретседатели на партијата, Венко Филипче и Фатмир Битиќи, а на оваа функција и понатаму остануваат Мила Царовска и Оливер Спасовски.
ЦО го почнува и новиот мандат со 120 члена од листата која пред конгресот ја предложија лидерот Зоран Заев и досегашното партиско раководство, согласно номинациите.
Со промена на Статутот, оставена е и можноста ЦО да биде проширен со уште 10 члена.
Делегатите на конгресот на СДСМ ја избраа Сања Лукаревска за нова заменик претседателка на партијата, додека пак Мартин Попов е новиот организациски секретар на СДСМ - на местото на Душко Весковски.
Меѓу имињата во ЦО се и д-р Ана Данева Марков, Нина Фити, Јована Тренчевска, Димитар Ковачевски, познатата ракометарка Андријана Будимир, д-р Милена Стевановиќ...
Од членовите на Владата пак, во ЦО влегоа Фатмир Битиќи, Венко Филипче, Мила Царовска, Оливер Спасовски, Благој Бочварски, Димитар Ковачевски.
Повеќе прочитајте на МКД.мк.