Вакцината на Оксфорд и "АстраЗенека" е сигурна за употреба, соопштила во четвртокот Европската агенција за лекови откако бројни држави, вклучувајќи ги Германија, Франција и Италија, ја суспендирале поради загриженоста поради крвните згрутчувања кај некои приматели.
Наодот доаѓа само два дена откако регулаторот во вторникот рекол дека прегледал нови информации и открил дека "нема индикации" дека постои било каква врска меѓу вакцината "АстраЗенека" и згрутчувањето на крвта. Додал дека од вакцината има повеќе корист отколку ризик.
Долго очекуваната одлука дошла во време кога во Европската унија има недостиг од вакцини и кога Унијата е во судир со САД и Британија поради ракувањето со испораката на вакцините.
АстраЗенека во неделата рекла дека прегледот на податоците за безбедноста на повеќе од 17 милиони луѓе на кои им е дадена вакцината не покажал докази за зголемен ризик од згрутчување на крвта.
