Двајца демонстранти денеска биле убиени во мјанмарскиот град Мичина на северот на земјата, кога полицијата отворила оган на луѓето кои протестирале.
Оваа информација ја потврдиле и очевидци на немилиот настан, а додале и дека неколку луѓе биле повредени, јавува "Reuters".
Демонстрантите во Мјанмар протестираат секој ден по воениот пуч на 1-ви февруари со кој од власт била турната владата на премиерката Аунг Сан Су Чи, која била уапсена заедно со неколку членови на владеачката гарнитура.
Досега во Мјанмар биле убиени повеќе од 50 луѓе на демонстрациите.
Продавниците, фабриките и банките денеска биле затворени во најголемиот град во Мјанмар, Јангон, откако најголемите работнички синдикати повикале на затворање на економијата како дел од протестот против воената хунта која на 1-ви февруари го извела пучот.
Another bloody Monday, this time in #Myitkyina #Kachin, northern #Myanmar where at least 2 people have been reported dead by local media. This as security forces shot to disperse protesting crowds. (Local media pics) #WhatsHappeningInMyanmar pic.twitter.com/a6lYMNAnOd
— May Wong (@MayWongCNA) March 8, 2021
