Азербејџанската војска навлезе во регионот на Калбаџар, уште една од териториите кои ерменските сили мора да ги отстапат на Азербејџан со договорот за прекин на огнот во Нагорно-Карабах.
Ерменија требаше овој регион да го предаде на 15-ти ноември, но Баку се согласи преземањето да биде одложено после барањето на Ереван.
Властите на Азербејџан соопштија дека влошените временски услови го отежнале повлекувањето на ерменската армија и цивилите долж единствениот пат кој овој планински регион го поврзува со Ерменија.
The #Azerbaijan Army Units have already entered into the liberated Kalbajar region of #Azerbaijan . #UN SC Resolution 822 has also been implemented by Azerbaijan and #justice was restored over #Kalbajar as well! pic.twitter.com/oiCShsVNTa
— Ali Alizada ?? (@Ali_F_Alizada) November 25, 2020
Како што соопштија од Министерството за одбрана на Азербејџан, од патиштата морало да бидат отстранети мини.
Договорот за прекин на огнот кој го потпишаа Ерменија, Азербејџан и Русија предвидува Ерменија да отстапи територии на Азербејџан и на некои места надвор од Нагорно-Карабах. Агдамскиот регион беше првата територија која Ерменците ја предадоа во текот на минатата седмица.
По потпишувањето на примирјето, некои Ерменци го напуштија Калбаџар откако претходно ги запалија своите домови.
