Во Франција на сила денеска стапуваат мерки за спречување на ширење на коронавирусот, меѓу кои е и заклучувањето, задолжително работење од дома и излегување само во итни случаи.
Поради повторното заклучување на земјите, во продавниците во четвртокот се создале метежи, а меѓу најбараните производи биле тестенини и тоалетна хартија, но и тонери за печатење и електронски делови за работа од дома.
Мерките ги најавил премиерот Жан Кастекс, кој рекол дека се знаело дека доаѓа втор бран на коронавирусот.
Тој рекол дека училиштата ќе бидат отворени, но дека учениците од шест години и постари ќе мора да носат маски.
?El tráfico en París, Francia ?? se acumuló 700 km ! Inicia el 2ndo confinamiento en todo el país tras el aumento de casos de #COVID_19.?
— Melanie Müllers (@melanie_mullers) October 30, 2020
pic.twitter.com/Zb0XetSC5t
Граѓаните ќе може да ги напуштаат домовите само за купување на производи, носење на деца во училиште и за одење на работа која не може да се работи од дома, како и за одење во болница или аптека.
Исто така, ќе може да се излегува за шетање на куче, но тоа е ограничено на еден час и на оддалеченост на еден километар од дома.
На погреби е дозволено присуство до 30, а на свадби до шест лица.
Пред целосното затворање на земјата, околу Париз се создале големи метежи, а колоните од возила со луѓе кои заминувале од градот се простирале дури 700 километри во регионот на градот.
Како што се наведува, многу граѓани на Париз одлучиле периодот на карантинот, кој ќе трае до 1-ви декември да го минат надвор од градот, и се додава дека слична ситуација се случила во март, за време на првиот бран.
Во четвртокот во Франција биле потврдени нови 47.637 случаи на коронавирус, како и 250 смртни случаи.
