Францускиот претседател Емануел Макрон денес би требало да воведе национален локдаун за да се сопре ширењето на коронавирусот, јавуваат француските медиуми.

Додаваат и дека локдаунот би требало да трае четири недели. 

Макрон ќе и се обрати на нацијата вечерва

Објавата се очекува по рекордните бројки на заболени во таа земја, кои довеле до притисок на болниците, а пораснал и бројот на смртни случаи во таа земја.

Макрон би требало се да објави вечер во телевизиско обраќање до нацијата, а во текот на денот треба да одржи состанок со министрите во владата.

Премиерот Жан Кастекс денес се состанува со лидерите на синдикатите и опозициските партии за да се оправдаат строгите мерки.

Во големи делови на Франција, па и во Париз, на сила е полициски час, но властите велат дека тоа не е доволно за вирусот да се сопре.

Лекарите бараат локдаун

Бројни француски лекари повикале на локдаун и порачале дека 58 проценти од креветите на интензивна нега се зафатени.

"Владата не го зема во предвид тоа се случи во првиот бран и не научи доволно", рекол претседателот на Француската Федерација на болници, Фредерик Валету. Повикал на локдаун кој би траел еден месец и додал дека вториот бран ќе биде многу поразорен за болниците од првиот.

Економистите пак предупредуваат дека тотален локдаун би можел да влијае на цела Европа ако на истото се одлучат и други земји.

Во Франција вчера починале 523 лица од коронавирус, а се белажат по 380 нови случаи на 100.000 луѓе.