Во САД проширена истрагата за безбедноста на вакцината против Ковид-19 на „АстраЗенека“

Макфакс

01/10/2020

14:30

168

Големина на фонт

а а а

Администрацијата за храна и лекови на САД (ФДА) ја прошири истрагата за сериозно заболување во студијата за вакцината против Ковид-19 на „АстраЗенека“ и ќе ги разгледа податоците од претходните испитувања на слични вакцини развиени од истите научници, пренесува „Њујорк пост“.

Доцната фаза на големата студија на „АстраЗенека“ е во мирување од 6 септември, откако на учесник во студијата во Британија му се слошило поради, како пто се верува, ретко воспалително нарушување на ‘рбетниот столб, наречено трансверзен миелитис. 

Проширениот опсег на истрагата на ФДА ја зголемува веројатноста за дополнителни одложувања на една од наводно најнапредните кандидати за вакцини протов Ковид-19 во развој. Бараните податоци се очекуваше да пристигнат оваа недела, по што на ФДА ќе ѝ треба време да ги анализира.

Ефикасните вакцини се сметаат за неопходни за да се помогне во ставање крај на пандемијата која уби повеќе од еден милион луѓе во светот.

Администрацијата на претседателот Доналд Трамп вети 1,2 милијарди долари за поддршка на развојот на вакцината на „АстраЗенека“ и кушување 300 милиони дози за САД. Другите водечки компании во трката со вакцини во САД се „Фицер“, „Модерна“ и „Џонсон‘Џонсон“..

Регулаторите во Велика Британија, Бразил, Индија и Јужна Африка ѝ дозволија на „АстраЗенека“ да ги продолжи своите клинички испитувања таму.

ФДА, сепак, сака да утврди дали слични несакани ефекти се појавиле во испитувањата на други вакцини дизајнирани од партнерот за вакцини против коронавирус на „АстраЗенека“, истражувачитњ од Универзитетот во Оксфорд. Тоа не значи дека агенцијата верува дека има безбедносни проблеми поврзани со која било од овие вакцини.

„Тоа само покажува дека ФДА е темелна“, рече еден од изворите.

Понатамошно комплицирање на ситуацијата е во фактот што податоците што ги бара ФДА се во поинаков формат од оној што го бара регулаторот на САД.

ФДА одби да ги коментира дискусиите поврзани со експериментален производ. Оксфорд не одговори на барањата за коментар. „АстраЗенека“, во изјавата, рече:

„Ние продолжуваме да соработуваме со ФДА за да го олесниме прегледот на информациите потребни за да донесат одлука за продолжување на тестирањата во САД“.



Спонзорирани линкови

Маркетинг