По две недели од почетокот на наставата во Србија, 52 ученика заболеле од Ковид-19

Макфакс

16/09/2020

10:44

544

Големина на фонт

а а а

Во првите две недели од почетокот на наставата во основните и средните училишта во Србија, вкупно 52 ученици и 20 вработени биле заразени со коронавирус, соопшти министерот за образование Младен Шарчевиќ.

Тој прецизирал дека во 1.250 основни училишта во Србија заболеле 25 ученици, од кои шест ученици не оделе на училиште.

Во Белград заболеле 16 ученици, а има спорадични случаи и во Сомбор, Нови Пазар, Зајечар, Врање, Ниш, Лесковац. Во основните училишта биле заразени седум наставници.

Шарчевиќ додава дека станува збор за спорадични случаи, имајќи предвид дека има околу 850.000 ученици во училиштата во Србија.

Министерот изјави дека училиштата се најбезбедно место каде можноста за пренесување на вирусот е многу помала отколку во парковите и спортските терени каде децата обично се дружат надвор од училиштето.



Спонзорирани линкови

Маркетинг