Полицијата во Манчестер со термо камера лоцирала 200 лица кои присуствувале на забава и покрај забраната поради коронавирусот, а снимката била објавена на официјалната веб страна на полицијата.
Во саботата, на 15-ти август, полицијата во 22:10 часот била повикана да интервенира во еден двор во југоисточната населба Гортон, бидејќи било пријавено дека на таа локација има забава, било соопштено од полицијата.
По доаѓањето на место на настанот полицијата искористила термо камера вградена во дрон. На објавената видео снимка може јасно да се види колку луѓе присуствувале на забавата и дека никој не се придржувал со социјалното дистанцирање.
#Video | Last night we issued this footage after Greater Manchester Police and Manchester City council obtained a three month closure order following a large gathering in Manchester. Thermal imaging picked up over 200 there on Saturday. Read more...https://t.co/FGCR6xs4cN pic.twitter.com/HMYD5oqP8O
— Greater Manchester Police (@gmpolice) August 19, 2020
Видливо е дека имало и такви кои прескокнувале огради за да се приклучат на забавата, пренесува "Kliks.ba".
"Инцидентот е неприфатлив и неразбирлив. Мило ми е што судот го уважи нашето барање да се продолжи со затворање на овој објект за 48 часа за да бидеме сигурни дека нема да има други илегални големи собири", рекол инспекторот Џим Адамс.
Претседателот на градското собрание на Манчестер, Најџел Марфи за забавата рекол дека претставува тешко кршење на мерките против коронавирусот и истакнал дека здравјето мора да биде поважно од било што.
