Мајк Џејмс најефикасниот кошаркар на ЦСКА Москва го продолжил договорот со клубот. Американецот во Москва ќе остане и во наредните три сезони.
„Среќен сум што ќе останам во ЦСКА и што ќе го продолжиме ова убаво пријателство на уште три години. Се надевам дека наредниот период ќе биде обележен со трофеи“, рекол Џејмс.
29 годишниот кошаркар во Евролигата оваа сезона имал просек од 21,1 поени и 4,3 асистенции по натпревар.
Џејмс според Индексот на успешност (21,07) е трет во Евролигата, пред него се Алексеј Шведи (21,42) и Шејн Ларкин (22,20).
