Во Италија, во последните 24 часа од компликации поврзани со коронавирусот починале 474 луѓе, а дополнително се заразени уште 1.900.
Со ова, бројот на пријавени случаи на Ковид-19 во таа земја се зголеми на 209.328, а на починати на 28.710.
Ова е втор ден по ред, бројот на новозаразени во Италија да е помал од 2.000. Сепак, во просек, кривата на нови инфекции постепено опаѓа уште од почетокот на април.
Така, на крајот на март, дневниот број на нови случаи варираше меѓу 4.000 и 6.000, а на почетокот на април помеѓу 3.000 и 4.800. Во последните денови од април, дневниот број на новозаразени беше меѓу 1.800 и 2.400.
