Државата Њујорк му платила на компанија на инженер од Сан Франциско повеќе од 69 милиони долари за 1,450 болнички респиратори кои никогаш не ги доби.
На компанијата „Орен-Пајнс“ која се верува дека е во сопственост на Јарон Орен-Пајнс, на 30-ти март ѝ биле исплатени 69,1 милион долари за респиратори чија поединечна цена изнесувала 47,650 долари, односно три пати повеќе од вообичаената цена за најсовремениот модел.
NEW: An engineer who replied to a Trump tweet got $69 million from New York State for ventilators. He has no apparent background in medical supplies but was recommended by the White House. https://t.co/iAVLvDSVZ0
— BuzzFeed News (@BuzzFeedNews) April 29, 2020
Како што пренесува „Њујорк Пост“, еден месец подоцна државата Њујорк го раскинала договорот и сега се обидува да ги добие парите назад. Портпаролот на њујоршката Канцеларија за општи услуги за американските медиуми изјави дека „дел од парите ѝ се вратени на државата“, не прецизирајќи колку всушност пари се вратени.
Американските медиуми наведуваат дека има големи нејаснотии околу тоа како „Орен-Пајнс“ е избран, посебно поради тоа што е познато дека Јарон Орен-Пајнс е инженер специјализиран за технологија за мобилни телефони, без никакво искуство во областа на медицинската опрема.
Three days after Yaron Oren-Pines sent this reply, New York paid him $69.1 million for 1,450 ventilators — an astonishing $47,656 per ventilator. Not a single ventilator ever arrived, the state since terminated the contract, and is now trying to recover its money pic.twitter.com/NscQxXZcoC
— BuzzFeed News (@BuzzFeedNews) April 29, 2020
Инженерот Јарон Орен-Пајнс бил меѓу стотиците лица кои на 27-ми март одговориле на твитот на американскиот претседател Доналд Трамп кој ги повика “Ford” и “General Motors” веднаш да започнат да произведуваат респиратори.
„Ние можеме да обезбедиме респиратори. Некој нека ми се јави итно“, напиша Орен-Пајнс кој потоа бил препорачан од страна на работната група за коронавирусот во Белата куќа.
