Сириската новинска агенција „САНА“ објави видео снимка на која може да се види како сириската армија го одбива жестокиот напад на про-турските терористи во подрачјето на селото Нејраб во провинцијата Идлиб.
Снимките се направени од дрон и може да се види уништувањето на воената техника на терористите, вклучувајќи тенкови, оклопни транспортери и возила со инсталирани тешки митралези.
Како што беше претходно соопштено од Центарот за помирување на завојуваните страни во Сирија, про-турските терористи со поддршка на артилеријата на турската армија се обиделе да ги пробијат позициите на сириската армија.
На повик на Дамаск, борбени авиони „Су-24“ на руското воено воздухопловство полетале и ги бомбардирале нивните позиции и тоа им помогнало на сириските војници да го одбијат нападот, нанесувајќи им на терористите жестоки загуби. Од Центарот ја повикаа официјална Анкара да престане да ги поддржува терористите.
