Златан Ибрахимовиќ со својата објава на социјалните мрежи вчера го привлече вниманието од светската фудбалска сцена.
Тој објави дрес од шведскиот клуб Хамарби и многумина тоа го протолкуваа дека Ибра го објавува својот нов клуб каде ќе ја продолжи кариерата.
Сепак, тоа не е така и Ибрахимовиќ со објавата најави дека тој ќе стане косопственик на шведскиот клуб откако откупил дел од акциите на Хамарби
– Хамарби е фантастичен клуб со страствени навивачи и е многу почитуван во Стокхолм и Шведска. Секогаш ми се допаѓаше клубот и фановите. Да се има можност да се пирклучам на Хамарби ми е забавно и возбудувачки, -изјави Ибрахимовиќ.