Македонија се најде на третото место на списокот земји кои треба да се посетат во 2020 година, а листата е формирана врз основа на гласовите на читателите на магазинот “Lonely Planet”. 

Оние кои гласале за Македонија да се најде на списокот ги истакнале гастрономијата и гостопримството на нашата земја, како и културата и богатата историја.

“Бидејќи оваа земја ѝ е многу достапна на Србија, имаме прилика да уживаме во нејзините убавини, а Охридското езеро, националните паркови и планинските рути се прво нешто што би требало да посетите. Како и секој пат кога некоја држава ќе се најде на листата на најдобри туристички дестинации, почнува да се губи нејзината автентичност и понудата почнува да наликува на било која друга понуда. Токму затоа, треба да се искористи приликата и да се посети прекрасната Македонија додека е сè уште олицетворение на Балканот”, наведува српскиот Б92.

Еве ја целосната листа на топ 10 дестинации кои треба да ги посетите во 2020 година:

1. Бутан

2. Англија

3. Македонија

4. Аруба

5. Свазиленд

6. Костарика

7. Холандија

8. Либерија

9. Мароко

10. Уругвај