Лука Модриќ заработи незгоден удар на дуелот меѓу Велс и Хрватска од квалификациите за ЕП 2020, а тоа ги исплаши и фановите на Реал Мадрид кои се во неизвесност околу карактерот на повредата.
Хрватскиот репрезентативец мораше да го напушти теренот во Кардиф, а вечерва шпанскиот клуб излезе со официјално соопштение по медицинските прегледи кои ги направил Модриќ.
– По направените тестови, на Лука Модриќ му е дијагностициран голем оток на квадрицепсот. Во тек е процесот на рехабилитација, – вели соопштението на Реал, чии лекари веројатно се уште не знаат колку долго ќе паузира Хрватот.
Она што најмногу ги интересира фановите е дали Модриќ ќе биде подготвен за Ел Класико кое е закажано за 26 октомври.
