Шпанскиот прволигаш Реал Мадрид имаше лошо отварање на новата сезона во Лигата на шампионите со убедлив пораз од Пари Се Жермен од 3-0.
„Кралевите“ одиграа далеку под своето ниво, а најдобар доказ за тоа е фактот што не упатија ниту еден удар во рамките на голот на противникот. Со оваа претстава Реал ги разочара своите навивачи, но и дел од своите легенди како на пример Гути кој се огласи на социјалните мрежи и на најдобар можен начин во една реченица ја опиша играта на избраниците на Зидан.
-Кога одиш во Париз да играш против ПСЖ кој е без трите ѕвезди и не можеш да се натпреваруваш. Лошо, -порача Гути алудирајќи на тоа што „светците“ беа без напаѓачката тројка Нејмар, Кавани и Мбапе.