Севернокорејскиот лидер Ким Јонг Ун ја обиколил новата подморница, а посебно внимание посветил на нејзините борбени системи.
Ким подморницата ја обиколил една недела откако Пјонгјанг го предупредил за скорешните воени вежби на Јужна Кореја и САД.
Државната агенција КЦНА денес пренела дека таа подморница ќе биде распоредена во Јапонското море, но без изнесување на детали за нејзината опрема и локацијата за инспекција.
"Врховниот лидер ги слушна сите детали за нејзините оперативни и тактички способности како и за борбените системи", навела КЦНА.
Северна Кореја минатата недела предупредила дека заеднички воени вежби на Вашингтон и Сеул би можеле да имаат последици по најавената обнова на преговори со САД, како и дека Пјонгјанг би можел да го укини мораториумот на ракетни и нуклеарни проби.
Ким и претседателот на САД, Доналд Трамп, минатиот месец се сретнале во Демилитаризираната зона меѓу двете Кореи и се согласиле да ги продолжат разговорите по неколку месеци блокада. Меѓутоа, во меѓувреме немало состанок меѓу двете страни.
Supreme Leader Kim Jong-un has inspected a new submarine aimed at implementing North Korea's "military strategic intention". There's no word on the date of the inspection, but state media say its deployment in the East Sea - also called the Sea of Japan - is "near at hand". pic.twitter.com/m7T8ftpxEx
— Shreyas Reddy (@shreyas_k_reddy) July 23, 2019
Во Јужна Кореја се наоѓаат околу 30.000 американски војници, а нивните годишни маневри со десетина илјади јужнокорејски војници секогаш предизвикуваат бес кај Пјонгјанг.
Северна Кореја тие маневри ги смета за "генерална проба" за инвазија на нејзината територија.