Американскиот претседател Доналд Трамп порачал дека не е фан на криптовалутите и дека на Фејсбук можеби ќе му биде потребна банкарска дозвола ако таа компанија сака да лансира сопствен дигитален токен.
Во серијата постови на Твитер, Трамп напишал дека криптовалутите не се пари и дека "нерегулирани крипто активи може да го олеснат незаконското однесување, вклучувајќи и трговија со дрога и други незаконски активности".
"Ако Фејсбук и другите компании сакаат да станат банки, тие мораат да бараат банкарска дозвола и да станат дел од сите банкарски прописи", навел тој, пренесува "CNBC".
I am not a fan of Bitcoin and other Cryptocurrencies, which are not money, and whose value is highly volatile and based on thin air. Unregulated Crypto Assets can facilitate unlawful behavior, including drug trade and other illegal activity....
— Donald J. Trump (@realDonaldTrump) July 12, 2019
Криптовалутите "не се пари и нивната вредност е многу нестабилна", и затоа "доверливиот" американски долар треба да биде една и единствена реална валута во САД, порачал американскиот претседател.
"Тоа е далеку најдоминантна валута било каде во светот, и секогаш ќе остане така. Таа се вика американски долар", напишал Трамп.
....Similarly, Facebook Libra’s “virtual currency” will have little standing or dependability. If Facebook and other companies want to become a bank, they must seek a new Banking Charter and become subject to all Banking Regulations, just like other Banks, both National...
— Donald J. Trump (@realDonaldTrump) July 12, 2019
Американскиот претседател, меѓутоа, не е единствен кој го критикувал планот на Фејсбук да воведе сопствена криптовалута. Претседателот на Американската Управа за федерални резерви, Џером Пауел, францускиот министер за финансии Бруно Ле Мер и гувернерот на Централната банка на Англија Марк Карни, се наоѓаат меѓу владините службеници и шефови на централни банки кои зборувале против "Либра", криптовалутата на Фејсбук.
Од Фејсбук одбиле да ги коментираат постовите на Трамп на Твитер.
...and International. We have only one real currency in the USA, and it is stronger than ever, both dependable and reliable. It is by far the most dominant currency anywhere in the World, and it will always stay that way. It is called the United States Dollar!
— Donald J. Trump (@realDonaldTrump) July 12, 2019