Надзорната камера снимила момент кога една мајка со неверојатни рефлекси успеала да го спаси синот од пад по скали од четвртиот кат.
Снимката од градежната компанија “Monserrate” покажува мајка и син кои излегуваат од лифт со еден доставувач. Додека мајката чека некој да ја отвори вратата, љубопитното детенце отишло до оградата на скалите и се чини дека ги става рацете на она за што претпоставува дека е стаклена плоча.
Детето изгубило рамнотежа и почнало да паѓа, но неговата мајка, за која се чини дека во моментот зборувала на телефон, се фрлила преку работ на оградата за да го зграби синот, што ѝ успеало.
What a CATCH. Mom of the year. https://t.co/kesqmacIK4
— Barstool Sports (@barstoolsports) June 24, 2019
Доставувачот брзо истрчал на долниот спрат, а вработените од градежната компанија веднаш притрчале напомош штом сфатиле што се случило. За среќа, мајката успеала да го задржи синот и да го врати на сигурно.
Инцидентот се случил во средата во Меделин, Колумбија. Видеото станало вирално на социјалните мрежи и веднаш предизвикало поделени реакции. Некои ги пофалиле рефлексите на мајката, но имало и такви кои ја нападнале бидејќи зборувала на телефон наместо да внимава на детето.
I raised my 3 kids before cell phones. I can tell you that accidents happened even way back then despite not having cell phones to distract us! Give that poor woman a break!
— Sabrina R (@Breenee262) June 24, 2019