Претседателот на САД, Доналд Трамп, изјавил дека ќе разговара со претседателите на Русија и Кина, Владимир Путин и Кси Џинпинг на маргините на самитот Г20 во Осака.
"Сакам да бидам пријател со Русија и мислам дека така и ќе биде. Сакам да бидам пријател со Кина и мислам дека така и ќе биде", одговорил Трамп на прашањето на новинарот на "Fox News" за тоа како го гледа развојот на односите со рускиот и кинескиот лидер.
"Ќе имам состанок со двајцата наредната недела во Јапонија на Г20", додал Трамп.
Тој нагласил дека на влошувањето на односите меѓу САД и Русија влијаел "ловот на вештерките", мислејќи на истрагата за мешањето на Москва во американските избори со која се занимавал специјалниот обвинител Роберт Милер.
"Ќе имаме добри односи со Русија и Кина. Тоа е многу важно", нагласил американскиот лидер.