Двојниот руски агент, Сергеј Скрипал, кој минатата година бил отруен во Велика Британија, снимен е првпат после несреќата како зборува.
На 30-секундниот запис, кој го објави руски таблоид, а кој го пренесоа светски медиуми, се слуша гласот на Скрипал како остава гласовна порака на неговата внука Викторија, а во која, на неа и на нејзината мајка Елена им го честита Денот на победата.
На снимката кажува дека тој и неговата ќерка Јулија, која исто така е отруена минатата година, се добро.
Poisoned spy Sergei Skripal contacts mum in first audio since Salisbury attack https://t.co/zLHwjNpd7k pic.twitter.com/aVRBAAoDEM
— Daily Star (@dailystar) May 23, 2019
„Здраво Викторија, овде е вујко Серјожа. Се обидов да те добијам, но не ми одговараш. Ти го честитам празникот, ви посакувам сè најдобро. Што правите, како е твојот сопруг? Честитај ѝ празник и на мама. Ќе се слушнеме подоцна“, рекол Скрипал во аудио записот.
Како што се наведува, тој ја побарал Викторија на мобилен телефон и ѝ оставил порака, кога таа не се јавила.
За разлика од Јулија Скрипал, Сергеј ниту еднаш не се огласи по несреќата.
Сергеј Скрипал и неговата ќерка Јулија беа отруени во март минатата година, за што Велика Британија ја обвини Русија, а Москва негираше вмешаност во случајот.