Северна Кореја соопшти дека е погодена од најголемата суша во последните 100 години, откако од јануари до средината на мај паднале само 56,3 милиметри дожд, а тоа е најниско ниво од 1917-та година.
Метеоролозите соопштија дека сушата веќе оставила трага на приносот на пченица, хмељ, пченка, компир и грав. Се прогнозира дека до крајот на месецот може да врне дожд уште само два пати, а тоа нема да биде доволно.
10 Million North Koreans Face Food Shortages After Bleak Harvest https://t.co/47sznUIMTB
— Shehzad Younis شہزاد یونس (@shehzadyounis) May 3, 2019
Претходно во текот на овој месец, од Светската програма за храна “WFP” порачаа дека производството на храна во Северна Кореја паднало на најниско ниво во последните 10 години.
Од Светската програма направиле проценка на храната од 29-ти март до 12-ти април на барање на севернокорејските власти. Тие добиле пристап до фармите и урбаните и селските домаќинства, разните градини и центрите за дистрибуција на храна во Северна Кореја.
Alarms are ringing. Millions of North Koreans are "in urgent need of food assistance". https://t.co/yuXrZGKmB0
— Jarvis Media Group (@jarvismediainc) May 16, 2019
После проценката, сега се стравува дека поради сушата и слабите приноси, речиси 10 милиони луѓе можат да се соочат со глад, освен ако не добијат меѓународна помош. Во некои рурални делови од земјата, дури 43% од населението е потхрането, а едно од пет деца патат од забавен раст затоа што луѓето немаат доволно храна.
Северна Кореја веќе ја намали количината на храна која граѓаните можат да ја изедат дневно на само 300 грама, а тоа е најнискиот износ во историјата на земјата.
Покрај тоа, можно е дополнително намалување после очекуваната најслаба жетва во историјата на Северна Кореја, соопштија од Обединетите нации. Од Јужна Кореја веќе соопштија дека се подготвени повторно хуманитарно да им помогнат на своите северни соседи.
