Политиката во Македонија сè уште не е на идeалното ниво на развојот, односно и натаму е во рацете на партиите и тие одлучуваат кој ќе победи, а не самите граѓани, рече во обраќањето до јавноста професорката Гордана Силјановска Давкова.
„Контингенти од гласовите во вториот круг се пренесоа кај оние кои преговараа“, додаде таа.
Призна дека победата на претседателските избори му припаѓа на противкандидатот, Стево Пендаровски, нo јавно запраша дали ваквиот резултат води кон помирување и обединување, или означува поделба внатре во државата, по повеќе основи.
„Оваа победа има карактер на интраетничка поделба и го наметнува прашањето дали фразата ‘заедно наред’ навистина го означува тоа“, посочи Силјановска.
Таа се заблагодари истакнувајќи дека да се добијат речиси 370 илјади гласови е голема чест.
„Разговорите со граѓаните се голема инспирација за мене како човек. Знам дека Вардар победи, знам дека победи противкандидатот, а јас ја загубив битката“, додаде таа образложувајќи дека иако бројките говорат за пораз, таа се чувствува посмирено, побогато и продуховно. Згора на тоа станав позната по улиците како Гога, тоа е нешто што е новост на македонската политичка сцена“, нагласи Силјановска.
„Од срце ви благодарам на сите кои веруваа дека некој кој не е член на партија може толку многу да се зближи со членовите, симпатизерите, коалиционите партии, но најмногу со граѓаните“, истакна таа.
