Претседателот на Турција, Реџеп Тајип Ердоган, изјавил дека Турција го осудува обидот за воен удар во Венецуела, пренесува „Anadolu Agency“.
„Турција, која и сама ги почувствува негативните последици од воениот удар и која се бореше против воените удари, го осудува обидот за пукање во Венецуела. Целиот свет мора да го почитува демократскиот избор на граѓаните на Венецуела“, рекол Ердоган преку Твитер.
„Оние кои се обидуваат на чело на Венецуела да постават гувернер како во постмодерната колонија, мора да знаат дека на демократските избори се одлучува како ќе се управува со една земја“, додал тој и потсетил дека претседателот на Венецуела на власт дошол со помош на демократски избори.
Претседателот на Венецуела, Николас Мадуро, го повикал народот на улиците за да ја штити својата татковина и уставниот поредок.
„Командантите ја изразија својата посветеност на Уставот. Го повикувам народот на улиците да ја заштити татковината и уставниот поредок“, рекол Мадуро преку социјалните мрежи.
Right now: Gunfire on the streets of Caracas Venezuela as members of the military supporting opposition leader Juan Guaido battle those backing President Nicolas Maduro. An attempted coup underway. pic.twitter.com/XYb12Kl2YW
— Jim Sciutto (@jimsciutto) April 30, 2019
Американската администрација пружила целосна поддршка за обидот за воен удар во Венецуела, предводен од Хуан Гуаидо, кој се прогласил за привремен претседател.
Гуаидо вчера наутро објавил видео-порака која е снимена на аеродромот во Каракас, а околу него биле членовите на венецуелската армија и приведениот активист Леополдо Лопез. Во 3-минутната видео-порака, Гуаидо вели дека војниците кои ќе излезат на улиците ќе го штитат уставот од државата.
Еден ден пред најавените масовни против-владини протести, Гуаидо рекол дека дошол клучниот момент.
Венецуела беше погодена од протестите на 10-ти јануари, кога претседателот Мадуро положи заклетва за втор мандат после изборите, по бојкотот на опозицијата.
Напнатоста дополнително се зголеми кога опозицискиот лидер Гуаидо, на 23-ти јануари се прогласи за привремен шеф на државата, а тоа го поддржале САД и многу европски и латиноамерикански држави. Русија, Турција, Кина, Иран, Боливија и Мексико ја поддржуваат власта на венецуелскиот претседател Мадуро.
