Новото истражување можеби нема да ви се допадне: Кога жените ќе наполнат 33 години официјално се претвораат во своите мајки

Точка

25/03/2019

16:28

1.824

Големина на фонт

а а а

Доколку сте жена голема е веројатноста да не се воодушевувате ако ве споредуваат со вашата мајка. Но, ново истражување сугерира дека претворањето во сопствената мајка во еден момент од животот е неминовно.

"Кога жените ќе наполнат 33 години, официјално започнуваат да се претвораат во своите мајки, ги преземаат нивните навики, вкусови и ставови. Тоа особено е случај ако жената го добила првото дете", вели резултатот од истражувањето на д-р Џулиана Де Силва од Лондон кое било спроведено на 2.000 мажи и жени. 

"Главниот момент за вакви промени е тогаш кога младите за првпат стануваат родители, како и големата промена на стилот на живот пред и после бебе. Тоа е неизбежен дел од стареењето, но и процес кој многу луѓе би сакале да го одложат".

via GIPHY

Де Силва заклучи дека повеќе од половина жени во раните 30 години се однесувале слично на своите мајки, за разлика од однесувањето во младите години, кои во поголемите случаеви биле резултат на "бунење" против таквиот живот.

Откриено е дека мажите започнуваат да се преобразуваат во своите татковци на околу 34 годишна возраст, а тоа прво се покажува во музичките вкусови и потоа политичките ставови.

via GIPHY

Покрај тоа што во тие години луѓето сè повеќе почнуваат да се однесуваат како своите родители, многумина чувствуваат дека во тие години почнуваат и сè повеќе физички да наликуваат на своите родители.

"Сите се претвораме во своите родители во некој момент од нашиот живот и тоа е нешто што треба да се прослави", вели д-р Де Силва за Mirror.



Спонзорирани линкови

Маркетинг