Тимскиот шеф на Торо Росо, Франц Тост, смета дека младиот тајланѓанец Александер Албон може да биде изненадување на оваа сезона.
22-годишникот доаѓа од Формула 2 каде со 4 победи заврши на второ место минатата година зад Џорџ Расел и Ландо Норис кои исто така станаа дел од врвот на моторспортот. Во 2016 година заврши на 2ро место и во ГП3 серијата зад тогашниот првак Шарл Леклер.
„МИСЛАМ ДЕКА АЛЕКС МОЖЕ ДА БИДЕ ПОЗИТИВНО ИЗНЕНАДУВАЊЕ СЕЗОНАВА ЗАТОА ШТО ЛУЃЕТО И НЕ ГО ПОЗНАВААТ ТОЛКУ МНОГУ. ГО СЛЕДЕВМЕ ЛАНИ И ГОДИНИТЕ ПРЕТХОДНО И ДА НЕ ЗАБОРАВИМЕ ДЕКА ОСВЕН ФОРМУЛА 2, БЕШЕ УСПЕШЕН И ВО ГП3 КАДЕ ГО ПОБЕДИ И ЛЕКЛЕР НЕКОЛКУ ПАТИ, А ЛАНИ ПОКАЖА ОДЛИЧНИ ТРКИ И ПРЕТЕКНУВАЊА. ОПТИМИСТ СУМ ДЕКА ЌЕ ЗАВРШИ ОДЛИЧНА РАБОТА“, СМЕТА ФРАНЦ ТОСТ.
Албон е прв тајланѓанец во спортот по Прин Вира во 1950-тите години од минатиот век, а сезонава ќе вози за јуниорскиот тим заедно со поискусниот Даниил Квјат. Русинот беше член на Торо Росо, но беше избркан од екипата поради лошите перформанси по што минатата сезона ја мина во симулаторот на Ферари.
„СИТЕ ЗНАЕМЕ ДЕКА ДАНИИЛ КВАЈТ Е ФАНТАСТИЧЕН ВОЗАЧ И СМЕТАМЕ ДЕКА СИ ЈА ПОВРАТИ ФОРМАТА И ЌЕ ЗАВРШИ ОДЛИЧНА РАБОТА“.
